"Sputnik V" вакцинасы менен эмделген медайым эки күндөн кийин каза болду
Алматыда 7-апрелде дарыгер эмдөөдөн эки күндөн кийин үйүнө барып каза болду. Алдын ала маалыматтар боюнча, анын өлүмүнө жүрөк оорусу себеп болгон, деп жазат Tengrinews.kz.
Алматы шаарынын Санитардык-эпидемиологиялык көзөмөлдөө департаменти Коомдук саламаттыкты сактоо департаменти менен биргеликте эпидемиологиялык иликтөө жүргүзүп, ага атайын адистер дайындалган.
"Иликтөөнүн натыйжасында бейтап Россияда иштелип чыккан жана "Sputnik V" вакцинасынын биринчи компоненти менен эмделгени аныкталды. Аял мурун жүрөк-кан тамыр системасынын өнөкөт оорулары менен ооруган жана жашаган жеринде диспансердик каттоодо турган", - деп билдиришти комитеттен.
Өлүмдүн себебин билүү үчүн Алматы облусундагы Медициналык жана фармацевтикалык көзөмөл департаменттери бейтаптын маршруту боюнча медициналык уюмдарда пландан тышкары текшерүүнү башташат. Вакцинанын ушул партиясынан эмделген калган бейтаптардын абалы начарлаган эмес экендиги белгиленди.
COVID-19га каршы эмдөөдөн кийин каза болгондордун бар экендигине токтолсок, өлкөдө мындай учурлар катталган эмес.
