Эки жаранды аёсуз сабаган бир туугандар 10 жылга соттолушу мүмкүн
Эки жаранды аёсуз сабоого шектелген бир туугандардын өздөрү милицияга келгендиги, күнөөсүн мойнуна алды болуп саналбайт. Бул тууралуу бүгүн, 6-сентябрдагы пресс конференция учурунда ШИИБдин башчысы Канат Жумагазиев билдирди.
Милиция кызматкерлеринин ыкчам аракети Жаныбек Бапышев менен Калысбек Сейитбековду колго түшүп берүүгө мажбурлады, анткени, милиция алардын изине түшүп калган.
-Милиция алардын баардык туугандарынын жана тааныштарынын даректерин текшерип чыккан. ИИББ алардын өздөрү келе тургандыгын билген. Алардын улуу агасы телефон чалып, туугандарын алып келгендигин кабарлаган, бирок, бул күнөөсүн мойнуна алды болуп саналбайт – алар азыр көрсөтмө берүүдөн баш тартышууда, - деди Жумагазиев.
Ведомствонун маалыматы боюнча, кармалган бир туугандарга карата КР Жазык кодексинин 39-130-беренеси (адам өлтүрүүгө аракет кылуу) боюнча сотко чейинки өндүрүш иши ачылган.
Кодекске ылайык, алар 10 жылдан баштап өмүр бою эркинен ажыратуу менен жазаланышы мүмкүн.
Ал эми жабыр тарткандар тараптан жазылган тосмо арыз (ал жазылган күндө да) тергөөгө эч таасир тийгизе албай тургандыгы белгиленди.
