Адвокат: Эркинбек Чодуевге карата козголгон кылмыш иши кайта башталды
Айыл чарба министрлигинин жетекчиси Эркинбек Чодуевдин Фируза Ибрагимова аны алдамчылыкка күнөөлөгөнү жалган, анын өзүнө кылмыш иши ачылган деген билдирүүсүнүн анын ишине тиешеси жок. Бул тууралуу VB.KG редакциясына Ибрагимовдордун кызыкчылыгын жактаган адвокат Сумар Насиза билдирди.
Анын айтымында, Ысык-Ата райондук соту аны актаган чечимин чыгарган.
-Анын тарабы Чодуевдин күнөөсү жок, буга Ибрагимованы алдамчылык боюнча сот жобуна тартуу аракети далил дешүүдө. Мен дагы бир жолу айтайын, биринчиден Фируза сот тарабынан акталган. Экинчиден, анын ишинин Чодуевге карата козголгон кылмыш ишине эч тиешеси жок, - деп белгиледи Насиза.
Адвокат Айыл чарба министрлигинин басма сөз кызматынын "КР Жогорку Соту тарабынан 12.07.19-ж. Токтом кабыл алынып, Ош облустук райондор аралык сотунун "Коттон-Оушен" ЖЧКнын доо арызынын канааттандырылбагандыгы боюнча чечими күчүндө калтырылды" деген билдирүүсүнө да түшүндүрмө берди.
-Жогорку Сот бул ишти жапкан эмес, ал Фируза Ибрагимованын доо арызы боюнча жарандык ишти гана караган. Сот доо арыздын мөөнөтү бүткөндүгү боюнча доону гана караган. Ал эми козголгон кылмыш иши жабылган эмес. Ал мына 8 жылдан бери созулуп келе жатат. Бул убактын ичинде аны бир жолу токтотушканда, биз Башкы прокуратурага арыз жазганбыз, бирок, жыйынтык болгон эмес. Андан кийин биз Бишкектин Биринчи май райондук сотуна кайрылып, ал бул чечимди жокко чыгарган. Анткени бул иште Эркинбек Чодуев жетектеген "Лиматекс пахта корпорациясы" ЖЧКсы 1 500 000 долларды алгандыгы боюнча аудиторлук текшерүү жана соттук-бухгалтердик экспертизанын корутундусу бар. Азыркы убакта ИИМ тергөөсү кайрадан экспертиза жасап жатат жана биз анын жыйынтыгын күтүүдөбүз, - деп кошумчалады ал.
Эске салсак, мурда Жалал-Абад облусундагы "Коттон-Оушен" ЖЧКнын аткаруучу директору Замира Ибрагимова Айыл чарба министрлигинин азыркы министри Эркинбек Чодуевди бир миллион долларды энчилеп алгандыгы боюнча күнөөлөгөн.
