Атактуу жазуучу жергиликтүү элитаны эки жүздүү деди
Жазуучу Талип Ибрагимовдун пикири боюнча, Кыргызстандагы элита чынчылдык, абийирдүүлүк, ак-ниеттүүлүктүн жана жогору нравалуулуктун үлгүсү болушу керек. Анда жүрүм-турумдун бул үлгүсү тез эле калк арасына жайылат.
"Кыргызстан сыяктуу чакан мамлекетте баардыгы бири-бирин тааныйт же кандайдыр бир туугандык мамилеси бар. Ошондуктан элитанын башкаларга мисал болушу абдан маанилүү. Ал эми биздин элита эки жүздүү: айтканы башка, кылганы тескери. Пафос менен калп айтуу өтө эле көп. Бардыгы кызыл кулак болуп, кандайдыр бир роль ойношот. Эл ошону өзүнө сиңирип алып, туурап жатат", - деди жазуучу.
Анын оюу юоюнча, өлкөгө жаңы элита зарыл, азыркылар бири-бири менен тыгыз чырмалышкан. Алар чыныгы жүзүнүн ачылып калышынан коркушат.
"Алар эч убакта өз ыктыяры менен кетишпейт. Бирок бийлик элитасы революция жолу менен эмес эволюция жолу менен өзгөрүшү керек", - дейт Талип Ибрагимов.
Кичине мамлекеттердеги элитанын таасири чоң мамлекеттерге салыштырмалуу алда канча күчтүрөөк болоорун жазуучу белгилейт.
"Эң коркунучтуусу, депутаттар кылмыштуу дүйнөнүн жашоо образын туурагандыгы", - деп жазуучу баса белгиледи.
