Атажурчулардын "Текебаевдин тыңчысын" кууп чыкканга аракеттеништи

Бүгүн, 29-мартта, "Ата-Журт" фракциясынын депутаттары Камчыбек Ташиев, Садыр Жапаров, Талант Мамытовдорго соттун чечими угузулуп жаткан Биринчи май райондук сотунун залында чыр чыкты.

Атажуртчулардын тарапкерлери сот залынан жаш кызды чыгарып жиберүүнүн аракетин көрүштү. "Бизге бөтөндөрдүн кереги жок, Текебаевдин агенттери кетишсин! Бөтөндөрдү киргизбейбиз", - деп кыйкырып жатышты.

Чоң кыз процесске ишине байланыштуу келгенин түшүндүрүүгө аракет кылды, бирок аны эч ким уккан жок. Түртүүдөн жаш кыз жерге жыгылып түштү, бирок баары бир сот залынан чыккан жок. Көзүнө жаш алып "америкалык агент эмес" экенин айтып жатты.

Зал процесске катышууну каалагандардын баардыгы батыра албаарын белгилеп кетели. Учурда процесс баштала элек.