1990-2000-жылдар ортосундагы митингдерге адамдарды жалдап алып чыгып келишкен
"Эгемендик алган 1990-жылдан баштап, 2000-жылга чейинки митингдерге кишилерди акча менен жалданып алып чыгып келишкен",- деп "Азаттыктын" 6-марттагы "Ыңгайсыз суроолор" программасынын түз эфиринде "Кыргызстанды сактоо кыймылынын" жетекчиси, Жогорку Кеңештин экс-төрагасы Мукар Чолпонбаев билдирди.
Ал ошондой эле, 13-мартта ал жетектеген кыймыл нааразычылык акциясына чыга турганын айтты. "Биз 16-февралда өлкөнүн аймактарынан келген мүчөлөр менен курултай өткөрдүк. Ал жерде кабыл алынган резолюцияны 18-февралда президентке жана Жогорку Кеңешке бердик. Бийлик өкүлдөрү ал резолюцияны боюнча кандайдыр бир аракеттерди көрүп жатат", - дейт ал.
Чолпонбаев ошондой эле алардын тарапкерлери мамлекеттик мурдагы башчыларын качыруу сүйлөшүп эле жасалып келгенин айтты. "Акаев деле Бакиев менен сүйлөшкөндөн кийин качырылган. Ал эми Бакиев деле да убактылуу өкмөт менен сүйлөшкөн соң качып кеткен. Аны качырууга Роза Отунбаева команда берген. Булардын баары такталган. Убактылуу өкмөт да аларды да мойнуна алган",- дейт ал.
