Шаардык сот Равшан Сабировдун ишин 26-декабрда карайт
Бишкек шаардык соту мурдагы социалдык өнүктүрүү министри Равшан Сабировдун кылмыш ишин 26-декабрда карайт. Бул тууралуу адвокат Икрамидин Айткулов бүгүн, 17-декабрда, “ВБ”га билдирди.
Буга чейин 21-ноябрда Биринчи Май райондук соту экс-министрди тагылып аткан бардык айыптар боюнча актаган. Анын жардамчысы Тахир Мирзаахмедовду мүлкүн конфискациялоо менен алты жылга күчөтүлгөн режимдеги колонияга кескен.
Эскертсек, 5-июлда МУККнын кызматкерлери Сабировду италиялык эл аралык балдарды асырап алуу боюнча уюмдан ири өлчөмдөгү пара алган деген шек камакка алган. 4-июлда пара алып аткан жеринен жардамчысы Тахир Мирзаахмедов кармалган. МУККда сурак учурунда ал пара министрге бериле турганын айткан.
25-августта Бишкек шаардык соту Сабировдун жети депутаттын кепилдиги менен убактылуу тергөө абагынан бошоткон.
5-сентябрдан баштап Биринчи Май райсотунда Сабировдун ишин кароо башталган.
3-октябрдагы сот отурумунда Мирзаахмедов өз көрсөтмөсүн өзгөрткөн. Ал акча министрге берилбей турганын айта баштаган.
Экс-министрдин иши боюнча мамлекеттик айыптоочу Асаналы Иманбеков Сабировду бардык мүлкүн конфискацияга алуу менен аны 15 жылга күчөтүлгөн режимдеги колонияга кесүүнү сураган.
