Максат Сабиров: Шайлоочулардын добушун кайтадан саноо керек

“Шайлоочулардын добушун кайтадан саноо керек”,- деп “Республика” фракциясынын депутаты Максат Сабиров “ВБ”га билдирди.

Анын айтымында, шайлоочулардын добушун саноо учурунда бурмалоо болду. Ал “ГазШайлоонун” сайтынан шайлоонун жыйынтыктарын караганда дал келбөөлөрдү байкаган. Өзгөчө кыска убакыт ичинде шайлоонун алдын ала жыйынтыктары дароо көбөйгөн.

Ошондой эле Сабиров шайлоо административдик ресурсту колдонуу менен өттү деген ойдо. Анын маалыматына ылайык, эки шайлоо бөлүмүндө бюллетендерди таштоо байкалган.

Андан сырткары, депутат шайлоочулардын добушун кайтадан саноо керек дейт. “Ошондо бурмалоо болгондугуна ишенүүгө болот жана БШК жергиликтүү кеңешке болгон шайлоонун жыйынтыгын жокко чыгарат”, - дейт эл өкүлү.